http://abt.bloggar.is Bloggar.is 30 http://abt.bloggar.is/blogg/402580/Nei_sko Þessi síða er ennþá til... merkilegt nokk!]]> Fri, 17 Oct 2008 12:02:27 +0000 http://abt.bloggar.is/blogg/402580/Nei_sko http://abt.bloggar.is/blogg/323869/Its_alive Komið þið blessuð og sæl.
Ég er á lífi þó bloggið sé dautt. Veit ekki hvort það verður endurlífgað í bráð.

Af mér er allt ágætt að frétta - tíminn bara flýgur áfram og mér fannst janúar hafa þotið framhjá mér áður en ég vissi af. Hefði þurft að nýta þann mánuð betur, en þannig er það nú oft. Þessa dagana er ég að vinna í lokaverkefninu mínu sem ég á að skila 9.maí, svolítið stress í kringum það þar sem ég er á upphafstigum þess ennþá. Síðan stefni ég á að klára starfsþjálfunina í febrúar þannig að ég geti loksins einbeitt mér algjörlega að verkefninu en það er ansi truflandi að halda alltaf mörgum boltum á lofti í einu. Síðan er ég á námskeiði, sit hópmeðferðir og svona ýmislegt on the side.

Þessi önn verður mjög sérstök þar sem ég er ekkert í skólanum og hitti því bekkinn minn nánast ekki neitt. Því stefni ég á að vera afskaplega dugleg að hitta fólk svo ég haldi nú geðheilsunni í lokaverkefnispúlinu. Þetta ár er nú alveg búið að byrja vel félagslega, búin að fara á stelpukvöld og sálfræðiskvísuhitting, búin að skella mér á eitt djammerí og fór á uppistand með Pam Ann sem var ótrúlega fyndið. Á döfinni er svo planað kandarapartý, útskriftarpartý og kannski eurovision Pallaball á NASA, stelpukvöld, leikhúsferð og vonandi árshátíð. Skondið að flest af þessu er djamm en ég djammaði nánast ekkert síðustu önn og á því eitthvað inni. Reyndar hef ég ekki tíma fyrir þynnku og vesen því ég held ég verði að nýta helgarnar afskaplega vel í heimildavinnu og skrif. En með góðu skipulagi ætti þetta nú alveg að ganga, mjög gaman að hafa eitthvað til að hlakka til.

Hverjum langar til útlanda með mér í maí/júní? Það er ekkert lítið sem mig langar til að skella mér eitthvert í 1-2 vikur eftir skil og slaka á og njóta lífsins. Það væri svo gott að hafa einhverja gulrót við endamarkið. Svo fór ég ekkert til útlanda í fyrra og er því alveg svelt. Ég var að velta þessu fyrir mér um daginn og komst að því að ég umgengst aðallega pör... og þau eru auðvitað öll alveg hreint ágæt en ég ætla ekki sem þriðja hjól í utanlandsferð!

Þá kveð ég að sinni, þar til blogggírinn kemur yfir mig aftur.
Agnes Björg
]]> Fri, 08 Feb 2008 09:55:29 +0000 http://abt.bloggar.is/blogg/323869/Its_alive http://abt.bloggar.is/blogg/306776/Jolakvedja Kæru vinir

Gleðileg jól og farsælt komandi ár.
Þakka öll skemmtilegheitin á liðnu ári ... og árunum þar á undan!
Hittumst hress á því næsta... já eða sum ykkar bara milli jóla og nýárs.

Í ár eru aðstæður bara þannig að þessi kveðja kemur í stað jólakorts en ég lofa að koma sterk inn á næsta ári og senda kort. Þakka kærlega fyrir kortin frá þeim sem höfðu fyrir því að senda. Mér finnst sko agalegt að fá kort en senda ekki, þar sem ég er venjulega sú sem sendi alltaf. En vikan sem átti að fara í jólaundirbúning og starfsþjálfun fór aðeins öðruvísi en áætlað var en maður stjórnar víst ekki öllum hlutum... jafnvel þó maður sé control-frík!

Hafið það sem allra best yfir jólahátíðina... kossar og knús!
]]> Mon, 24 Dec 2007 16:48:24 +0000 http://abt.bloggar.is/blogg/306776/Jolakvedja http://abt.bloggar.is/blogg/303276/Timi_til_ad_fagna Skólinn er búinn!
Þá er ég formlega búin með öll námskeiðin í þessu námi mínu og á því aðeins eftir að klára starfsþjálfun og gera lokaverkefni og þá verður þetta allt búið. Þvílíkur léttir að vera loksins búin að klára öll verkefni þessa önnina en ég er nú samt ekki komin í jólafrí. Stefnan er að nýta virku dagana sem best í starfsþjálfun og nýta svo einhverja frídaga í undirbúning fyrir lokaverkefnið, en ég þarf að gera umsóknir til siðanefndar og persónuverndar í þessum mánuði. En það verður frábært að geta einbeitt sér að þessum hlutum og ég hlakka til að geta átt helgarfrí og slakað á að kvöldi til án samviskubits. Ég sakna samt 3 vikna jólafrísins sem ég hef alltaf fengið undanfarin ár og hefur nýst vel til að hlaða batteríin, en þetta er lokaspretturinn og maður lætur sig hafa það.

Dagurinn í gær var sko vel nýttur og skólalokum fagnað vel. Í hádeginu fór ég með sálfræðingum Sálfræðiþjónustunnar á hádegishlaðborð með jólaívafi á VOX og það var alveg hreint afbragð. Síðdegis var það svo kokteilboð hjá forstöðusálfræðingnum... já svona er maður fullorðins! Loks endaði dagurinn á kandarapartý sem var mjög skemmtilegt og ekki laust við að maður hafi klárað alla orkuna þennan daginn.

Svo minni ég áhugasama á að það eru aðeins sex dagar í Palla á NASA, eins gott að fólk beili ekki á mér sem ætlar með og fleiri eru svo sannarlega velkominir að bætast í hópinn. Þetta verður brjálað fjör og ég get lofað ykkur að það verður dansað... og vá hvað það er langt síðan ég hef dansað (tja... já bara á gay-pride ballinu síðast... ég er orðin gömul).

Farin að huga að jólaundirbúningi ]]> Sat, 15 Dec 2007 12:48:40 +0000 http://abt.bloggar.is/blogg/303276/Timi_til_ad_fagna http://abt.bloggar.is/blogg/296922/Okunidingurinn_Agnes Jólagjöfin mín í ár verður..... hraðasekt! Jú jú haldið þið ekki að einhver kvikindisleg myndavél hafi blikkað mig á Stekkjabakkanum í gærmorgun. Alveg hreint týpískt, ég sem fæ oftar en ekki skot fyrir að keyra á of löglegum hraða fæ hraðasekt eftir að hafa runnið ljúflega niður brekkuna. Ég býð spennt eftir að fá sektina og sjá hvað hún verður há, það er varla að maður þori að eyða neinu þangað til það er komið á hreint, ekki eins og ég eigi drjúga sjóði falda einhvers staðar. Þetta sýnir bara áhrif stressins, auðvitað var ég ekkert að horfa á hraðamælirinn þar sem ég var að drífa mig í viðtal, þannig að auðvitað var ég að keyra of hratt og auðvitað er þetta sjálfri mér að kenna og engum öðrum. En samt... mjög pirrandi, ekki alveg það sem blankur námsmaður þarf á að halda svona rétt fyrir jólin. Spurning um að ég föndri bara jólagjafirnar í ár!]]> Fri, 30 Nov 2007 09:14:12 +0000 http://abt.bloggar.is/blogg/296922/Okunidingurinn_Agnes http://abt.bloggar.is/blogg/292966/Andleysid_algjort Ég hef lítið haft að segja undanfarið enda snýst lífið þessa dagana um lærdóm, starfsþjálfun og svo aftur lærdóm. Þannig að þið sem hafið ekki heyrt í mér lengi þá er ég á lífi, ekki búin að gleyma ykkur, er ekki í fýlu við neinn heldur er bara á kafi í skólanum. Þessari önn fer nú bráðum að ljúka og þá getur maður eignast líf á ný. Ég stefni reyndar eindregið á að taka eitt og eitt kvöld í stuttar heimsóknir svo ég haldi nú geðheilsunni en oft er það þannig að þegar ég slaka á á kvöldin þá verð ég að klessu á engri stundu og fer oftast snemma í háttinn.

Það var með mikilli biturð að ég komst ekki á útgáfutónleika Páls Óskar seinustu helgi enda varð lærdómurinn að ganga fyrir. Í sárabætur keypti ég mér þó diskinn og dilla mér því við diskótóna í bílnum. Sem viðbótarsárabætur er ég að spá í að stefna á Palla á Nasa 21. desember og allir velkomnir með í dansfíling.

Fleira er það ekki í bili, hafið það ofsa gott og vonandi hitti ég sem flest ykkar einhvern tíman í náinni framtíð.

P.S. Hafdís, er ég ekki hlýðin?]]> Wed, 21 Nov 2007 10:13:38 +0000 http://abt.bloggar.is/blogg/292966/Andleysid_algjort http://abt.bloggar.is/blogg/286583/Ho_ho_ho_nei_ekki_jolasveinninn Er ég sú eina sem get ekki hætt að raula: Ho ho ho, we say hey hey hey?
(Já ég var ein heima og horfði smá á Laugardagslögin ).

Annars er ég bara hress, en þið?]]> Tue, 06 Nov 2007 11:27:37 +0000 http://abt.bloggar.is/blogg/286583/Ho_ho_ho_nei_ekki_jolasveinninn http://abt.bloggar.is/blogg/284457/Thrju_eftir Þá er Ásgrímur fluttur að heiman. Við fórum með restina af dótinu hans í fyrradag niður í Mávahlíð þannig að nú er ég eina barnið eftir í kotinu. Svo er maður í miðri aðlögun að því að búa bara fjögur hérna heima og þá stinga mamma og pabbi af til Amsterdam þannig að við Emil erum ein heima fram á sunnudag. Jáhá... þetta er harður heimur (ég veit að ég er 24 ára). Það er eins gott að ég nýti þá helgina vel, ég þarf að skila 30% meðferðarskýrslu á þriðjudaginn og sé ekki fram á að geta byrjað fyrr en á laugardaginn... úps!

Allt fínt að frétta. Ásta mín er útskrifuð og hélt skemmtilegt hljóðfæraútskriftarpartý á laugardaginn. Svo átti Fjóla afmæli og bauð okkur stelpunum í lítið afmælisboð í gærkvöldi, alltaf gaman að hittast svona. Annars gengur lífið sinn vanagang, núna eru flest lokaverkefnin komin þannig að maður þarf að finna tíma í þau. Auk þess þarf ég að klára umsóknir til Siðanefndar og Persónuverndar fyrir 22. nóvember og þessar umsóknir eru sko hellings vinna sem ég hef ekki alveg tíma í núna. Svo er auðvitað starfsþjálfun í fullum gangi og ég þyrfti helst að geta bætt inn meiri tíma í hana svo mér gangi hraðar að safna tímum. Þannig að næstu vikur/mánuðir verða geðveikir, það er eins gott að ég finni ofurdugnaðinn í mér.

Eruð þið ekki annars bara hress?
]]> Thu, 01 Nov 2007 10:27:24 +0000 http://abt.bloggar.is/blogg/284457/Thrju_eftir http://abt.bloggar.is/blogg/279518/Pirrrrr Týpískt... aldrei þessu vant kíkti ég ekkert á tölvupóstinn minn í gær enda eyddi ég öllum deginum í málningarbúðum Mávahlíðar og var dauð um kvöldið. Svo eyði ég góðum hálftíma í umferðinni í morgun til að mæta kl.8:20 í skólann eins og alltaf á mánudögum og finnst voða skrýtið að enginn skuli mæta nema ég. Þannig að ég trítlaði niður í tölvustofu og jú jú... við fengum tölvupóst í gær þess efnis að tíminn myndi ekki byrja fyrr en kl.9:30 í dag. Pirrrrrr... Ég hefði sem sagt getað sofið rúmum klukkutíma lengur, og trúið mér ég þarf svo á smá svefni að halda, og ef ég hefði keyrt á þeim tíma hefði tekið mig helmingi styttri tíma að komast hingað. Núna er ég sem sagt í Odda, ekki einu sinni með skólabók og þarf að drepa tímann í klukkutíma! Ætti ekki að senda manni sms þegar tímum er breytt með svona stuttum fyrirvara?]]> Mon, 22 Oct 2007 08:35:46 +0000 http://abt.bloggar.is/blogg/279518/Pirrrrr http://abt.bloggar.is/blogg/278832/Jabb_og_jaeja Drepast úr vöðvabólgu + mála loft = Áts... ekki góð samsetning!
En vinnubúðir Mávahlíðar halda áfram og þar er ekkert gefið eftir. Ég tek við frjálsum framlögum upp í sjúkraþjálfunarreikning þegar framkvæmdunum lýkur, takk. Annars er verst að skólinn stoppar víst ekki þó nóg sé að gera í Mávahlíðinni, ansans vandræði!

Annars fórum við Ásgrímur á flakk í vikunni til að kaupa síðbúna 6 ára afmælisgjöf handa litla frænda. Okkur fannst auðvitað alveg brilljant hugmynd að kíkja í nýjustu leikfangabúð bæjarins og keyrðum því í Smáratorgið. En ji minn eini, fyrir utan búðina var svona 50 manna röð að bíða eftir að komast inn í búðina því vegna fjölda var verið að hleypa inn í hollum. Við Ásgrímur metum tíma okkar betur en þetta og skelltum okkur því annað og versluðum fína afmælisgjöf handa drengnum á skömmum tíma. En hvað eru Íslendingar að spá? Metum við tíma okkar ekki meira en svo að alveg sjálfsagt þykir að standa í röð fyrir utan dótabúð á miðjum degi til að komast inn og kaupa eitthvað örlítið ódýrara en það sem fæst annars staðar og standa svo í ofurlangri röð við kassann líka. Hvað skyldi ein slík búðarferð taka langan tíma? Ég stefni ótrauð á að skoða þessa nýju dótabúð þegar nýjabrumið er farið af, spurning hvort maður ætti ekki að fara í Toys are Us þegar næsta nýja dótabúð opnar (Just4Kids held ég að hún heiti). Þá verða allir í röð fyrir utan nýju búðina og ég get skoðað þá "gömlu" ein í rólegheitunum!
]]> Sat, 20 Oct 2007 12:47:02 +0000 http://abt.bloggar.is/blogg/278832/Jabb_og_jaeja